Мае хоббі

Найбольш значным захапленнем дагэтуль з’яўляецца гісторыя, перадусім – Беларусі і Цэнтрльна-Усходняй Еўропы, асабліва перыяду Сярэдневечча і Новага часу. У роўнай ступені цікаўлюся і сярэдневечнай археалогіяй рэгіёну, прымаў удзел у раскопках старажытнага Менска, курганных могільнікаў Атоліна Мінскага раёна, Пагошча і Опса Браслаўскага раёна, Гальшаны Ашмянскага раёна. Акрамя гэтага пачэснае месца у спісе зацікаўленасцяў займаюць актыўны адпачынак і спорт на аматарскім узроўні. Нешматлікі свабодны час люблю бавіць у добрай сяброўскай кампаніі.